Олон улсын хамтын ажиллагааны 3 талт түншлэлийн гэрээг амжилттай байгууллаа

Лантуун дохио ТББ нь олон улсын салбаруудтайгаа хамтын ажиллагаагаа бэхжүүлж, 3 талт түншлэлийн гэрээг албан ёсоор байгууллаа. Энэхүү гэрээ нь байгууллагын үйл ажиллагааг илүү нэгдсэн, тогтвортой хөгжүүлэх эрх зүйн суурь болж байна.

“Лантуун дохио” ТББ нь АНУ-д бие даасан статустай Lantuun Dohio USA салбартай бөгөөд сүүлийн гурван жилийн хугацаанд бүх санаачилгыг тууштай дэмжиж ирсэн Lantuun Dohio Australia байгууллагатай хамтын ажиллагаагаа өргөжүүлэн ажиллаж ирсэн билээ. Энэхүү хамтын ажиллагааг илүү тодорхой бүтэц, зохион байгуулалттай болгох үүднээс талууд харилцаа холбоо, үйл ажиллагааны чиглэл, эрх шилжүүлэх зэрэг асуудлыг нарийвчлан тусгасан 3 талт түншлэлийн гэрээ байгуулах шаардлага үүссэн юм. Уг ажлын хүрээнд олон улсын түвшинд үнэлэгддэг хууль зүйн байгууллагуудтай холбогдсон бөгөөд “Nomin & Advocates” ХХН мэргэжлийн туршлага, хандлагаараа онцгойлон ялгарч, ПРО БОНО буюу үнэ төлбөргүй хууль зүйн үйлчилгээ үзүүлэн хамтран ажиллалаа. Тэдний дэмжлэг, тууштай хамтын ажиллагааны үр дүнд талууд өнөөдөр түншлэлийн гэрээгээ албан ёсоор эцэслэн байгууллаа. Цаашид бид хамтын ажиллагаагаа улам бэхжүүлж, олон улсын түвшинд үйл ажиллагаагаа өргөжүүлэн ажиллах болно. Энэхүү үйл явцад сэтгэл гарган оролцсон бүх түншүүддээ чин сэтгэлийн талархал илэрхийлж, цаашдын ажилд нь амжилт хүсье.