“Гэрээр айлчлагч” хөтөлбөрийг Сонгинохайрхан дүүрэгт хэрэгжүүлнэ

Хүүхдийг хамгаалах хамгийн эхний орчин бол гэр бүл. “Гэрээр айлчлагч” хөтөлбөрөөр дамжуулан бид зорилтот өрхүүдэд хүрч, бодит дэмжлэг үзүүлэх ажлаа эхлүүлж байна.

АНУ-ын Төрийн департаментын санхүүжилттэй “Хүүхэд хамгааллын түншлэлийн компакт: Хүн худалдаалахаас хүүхдийг хамгаалах нь” төслийн хүрээнд хэрэгжих “Гэрээр айлчлагч” хөтөлбөрийг нийслэлийн таван дүүрэгт хэрэгжүүлэхээр болсон. Тус төслийг Монгол Улсад хэрэгжүүлж буй World Vision Mongolia байгууллагатай хамтран ажиллаж, Сонгинохайрхан дүүрэгт хэрэгжүүлэх ажлыг Лантуун дохио ТББ хариуцан ажиллахаар боллоо. 

Хөтөлбөр нь Баянзүрх, Сонгинохайрхан, Чингэлтэй, Сүхбаатар, Баянгол дүүргүүдэд хэрэгжих бөгөөд зорилтот өрхийн хүүхдийг асран хамгаалах, хөгжүүлэх, гэр бүлийн амьдралын чанарыг сайжруулахад чиглэсэн олон улсад туршигдсан аргачлалд суурилсан юм.

“Гэрээр айлчлагч” хөтөлбөрийг хэрэгжүүлснээр хүүхэд хамгааллын чиглэлд шинэ туршлага, арга зүйг нутагшуулах, хамтын ажиллагааг илүү бодитой, үр өгөөжтэй болгоход түлхэц болно гэж үзэж байна.