Гүнж төвтэй хамтын ажиллагаагаа албан ёсоор эхлүүллээ

Охидын эрхийг хамгаалах ажил ганц байгууллагын биш хамтын хүч шаарддаг. Энэхүү хамтын ажиллагаа бол зүгээр нэг санамж бичиг биш, бодит өөрчлөлтийг хамтдаа хийх эхлэл.

Бид Гүнж төв-тэй охидын эрхийн чиглэлээр урт хугацаанд хамтран ажиллах санамж бичигт гарын үсэг зурлаа.

Хамтын ажиллагааны хүрээнд “Ид шидийн орон” төвдөө “Охидын манлайллын хөтөлбөр”, “Залуу эхчүүдийг чадавхжуулах хөтөлбөр”-үүдийг хэрэгжүүлж, охидын эрхийг дэмжих нөлөөллийн ажлууд дээр бодитоор хамтран ажиллахаар боллоо.

Бид өнгөрсөн онд хамтын ажиллагааныхаа эхлэлийг тавьж, “Охидын эрхийн чуулган”-ыг “Ид шидийн орон” төв дээрээ амжилттай зохион байгуулж байсан. Энэ удаагийн санамж бичиг нь тэр эхлэлийг илүү өргөжүүлж, урт хугацаанд тогтвортой хамтран ажиллах суурь болж байна.

Цаашид илүү бодит, үр дүнтэй ажлуудыг хамтдаа хэрэгжүүлж чадна гэдэгт итгэлтэй байна.